بسم الله الرحمن الرحيم



الفيزياء أولا لو مش هاتعرف تاخد دروس فى بقيه المواد لظروف عندك حاول انك تاخد درس فى الفيزياء الفيزياء الدرس فيها مهم وهتلاحظه بعدين الفيزيا بيسموها فزاعه الثانويه العامه وكونك تسمع ان عندك الفيزياء 15 فصل فى خمس أبواب ولما تمسك الباب الأول الى فى المذكره الأولى والأستاذ يقولك دا لسه أربع مذكرات زى دى هاتخاف منها لكنى بصراحه كنت بحبها أكتر من الكيميا مش عارف ليه الفيزيا ماده من خمسين يمكن كتير يقولك أصعب ماده تقفل فيها الخمسين لكن صدقنى لو ذاكرتها من الأول هاتقفل الخمسين وادى وقت أكبر لمذاكره الفيزيا عن أى وقت تانى لأى ماده تانيه لأن الفيزيا طويله ومافيهاش توقعات كتير يعنى أبدأ مع مدرسك فى الدرس أول بأول وراجع معاه وحاول تخلص كل جزأ هوا بيخلصه وانت فى الأخر أقسملك بالله هاتستريح جدا فيها وهاترجعها بكل سهوله فاكر لما قلت فى النصائح الأولى ان لو الفرصه رجعت ليا كنت هاعمل ايه وقلت كنت هذاكر طول السنه من مذكره واحده للشرح ومذكره واحده للمراجعه وواحده للامتحانات طبعا أنا أقصد لكل المواد لكن فى نفس الوقت كان السبب هوا ماده الفيزياء فعشان ماده الفيزيا طويله وماده عايزه فهم مش حفظ انت هاتحس بقيمه الكلام دا فى الأخر ان شاء الله لما تذاكر من مذكره واحده لكن تكون مذكره تعرض الموضوع بطريقه سهله وكمان تكون بتحتوى على كل الى انت محتاجه سواء بقى مذكره الأستاذ فى الدرس أو مذكره من المذكرات الى هنا وأنا برشحلك مذكره أوميجا وأنا جايبهالك هنا فلما تذاكر من مذكره واحده طول السنه هاتلاقى ان المدرس بيراجع كتير فلما تخلصوا الفصل الأول أو الباب الأول يقولك هانراجع عليه فتقراه من المذكره تانى حتى لو كانت أول مره حاسس انها صعبه والتانيه بتكون سهله وهكذا لحد ماهتوصل لمرحله صدقنى هاتحس فيها انك واكل الكتاب والمذكره كلها وحافظها كويس بعد الفهم ودا عشان فى الامتحان لما يجيلك السؤال وتيجى تجاوب عليه لازم تفتكر أولا هوا فى أى باب يعنى مثلا هوا فى الكهربيه ولا الحديثه ولا الباب الأول ولا أى باب ولما تحدد الباب تلغى الأبواب التانيه من عقلك فى السؤال دا وتبدأ تدور فى مذكره الباب الأول الى انت مذاكر منها وبردو تحدد فى الباب دا السؤال دا بينتمى لأى جزه فيه فتعرف مكانه فى المذكره وهتلاقى عقلك بيجيب الحل من المذكره دا لو انت نسيت حبه الى انت مذاكره أو نسيت اجابه السؤال فاتخرج الاجابه بالطريقه دى لكنك ان شاء الله هاتجاوب عليه من أول مره يمكن حد من الى بيقرأ يقول ياعم هوا أنا إيه عشان أعمل كدا إنت محسسنى إنى سوبر مان علشان تقولى واكل الكتاب أكل.. صدقنى انت هاتقول كدا كتير فى أول السنه لكن لو معملتش كدا هاتحس بالندم فى أخر السنه وهاتحس ان دا هوا الأصح ليك والى كان المفروض انك تعمله ولو عملت كدا ان شاء الله فى الأخر هاتعمل زى ما أنا بقولك كدا لأنى وربنا هوا دا الى أنا كنت بغلط فيه وهوا الى أنا كنت بحس بيه فعلا لما بذاكر أى جزء بالطريقه دى الفيزيا سهله لو انت عايزها سهله وصعبه لو انت متكدر منها فخدها على انها ماده سهله وبسيطه ومراجعتها من الأول هايفيدك جدا





الباب الأول


هوا 3 فصول الموجه والصوت والضوء وتطبيقات اعرف ان فى الامتحان لازم يجيبلك منه أسئله فالامتحان بيكون متقسم بحيث ان كل فصل يجى منه حاجه فى الامتحان يعنى عشان يكون الامتحان شامل المنهج وهوا باب أكتر فيه تعريفات وكدا اعرفها وافهمها وبعدين احفظها وان شاء الله هتلاقيه سهل

الملف حجمه 64.9 ميجا
فيه ملفين ملف للشرح والمراجعات ..الشرح من كتاب الوسام و3 مذكرات تانيين للشرح
والمراجعات فيها تلخيصات للتعاريف والمقارنات ومراجعه كل باب لوحده وأسئله فلاش وامتحانات بالاجابه


التحميل من هنـــا
تحميل مذكرات ماده علم النفس



ثانيا علم الاجتماع

نفس الكلام علم الاجتماع ماده حياتيه وهيا كمان اسهل من علم النفس وعلم الاجتماع من أربع أبواب يمكن أهمهم الباب الأول والثانى ذاكرهم من الأول وهاتستريح جدا فى الأخر ومش هتحتاج تراجعها كتير

الحجم 47 ميجا

التحميل من هنا
تحميل مذكرات ماده علم الاجتماع



ليست هناك أية مشاركات.
ليست هناك أية مشاركات.